最後勝利

徐克原來咁有型
曾志偉原來曾經咁可愛
李麗珍係最慘的一個,
由咁吸引變成現在這般境況
男與女, 不公平之極
女子往往走錯一步, 就無葬身之地
李殿朗演技也一流
是否人老了, 就總記著以往的好?
電影的主題曲, 是陳百強的心愛着你

懷念昨天的你
懷念着你, 流着淚眼, 自覺得深愛着你

stranger than fiction, better than sex

每年在電影節都會看到一兩部暖窩心的電影, 上年有《you and me and everyone we know》, 今年則有《stranger than fiction》(離奇過小說)。聽過有人說《離》悶，可能他們都看慣了action+bed scene+violence的畫面。《離》片無激戰、無人追人、車追人、野獸追人或人追野獸的畫面，《離》的男主角harold是最悶最悶的計數佬，在稅局上班, 生活在一堆數字當中，沒膽量追求夢想，亦沒打算改變自己，的確是沒趣得很。但，這不正是大部分人的人生嗎？

harold的生活本來就不值一哂，直至一日他突然成了小說家Emma Thompson筆下的角色，發現自己的一舉一動都受着小說情節發展的控制...而另一方面,當作家的Emma亦不活色生香得那裡，十年來都寫不出新作，滿腦子只會想着如何將主角殺死，自己則有強烈自殺傾向...

佩服編劇Zach Helm的天馬行空，一本小說連起創作者與被創造者，不落俗套帶出人與命運和自我意志力的關係，我的生命是否由我掌握，是的話為何我沒能力改變我不喜歡的？人到底能否改變命運？命運的劇本要我被車撞死，我是否應該抵抗，且或，我是否抵抗得來？

導演Marc Forster也功力深厚，將電影拍得輕鬆新穎，modern得很，兩小時的戲, 沒有悶場，多一筆兼多，少一筆兼少，啱啱好!

當然,還有我的最愛Maggie Gyllenhaal，這位小姐是一道光，去到那裏照到那裏.

又有大學同學要結婚

又有大學同學要結婚

但這次有點特別, 因為即將出閣的阿bass小姐是本人的小學同學，相識已久, 所以今次本人不會再洗出欺騙餅咭然後人唔到禮又唔到的手段。

1st 回憶: 阿bass二年班(or四年班?)插班到我那家位於元朗新區的發霉小學(現已拆卸變成西鐵元朗站)，同我爭考第一爭到頭額裂...
2nd 回憶: 之後, 小六畢業,我搬左去上水, 入讀左一間貴族中學，佢就繼續在元朗讀d野雞中學(hohoooo),中二仲玩line識男仔, 好似識左個膚色好黑的童軍仔...思想非常前進...
3rd 回憶: 我以為無咩機會再見佢啦, 點知考入港大第一日又係campus撞到佢, 表面上打招呼扮熱情, 幾乎要攬要鍚, 實質心諗：「吓, 你都入到呀, 啋瘟...係元朗返港大campus遠鬼死你呀(但係無諗過自己其實住上水!!!)」結果, 扮下扮下又真係熟鬼左, 仲一齊上莊搞個爛鬼music club, 以開樂器班為名, 行騙港大同學為實...就咁三年大學生涯又過左...

那時大學有個金、銀、銅定律, 話女生一入學是金, 因為青春大把仔溝,升到二年班就是銀, 擇偶係時候降低要求, 到最後一年就變左堆銅, 即係執到個吉都要感激神恩。我和阿bass, 都係一張白紙咁入hku, 我以為以我的姿色實向黃金時代就覓得心得好啦, 點知變成堆爛臭銅時仍然形單隻影。而阿bass就向金變銀的中段開始發燒，向網上識左個叫fever的城大電車男。你諗下, 邊有正常人叫fever架, 我當時本著做得佢朋友兼莊友, 梗係勸佢咪鬼同個電車男發展啦, 因住比人騙財騙色呀!

點知, 如今事隔接近十年, 人家阿bass與仲係發梗燒的fever恩愛如昔, 挽手準備步入教堂, 勇敢踏入人生另一階層, 而我, 卻還是為著面上幾粒陰魂不散的暗瘡一支婆獨個煩惱...

阿bass, 祝永遠幸福, 一生發燒! (多謝你竟找來這個專搞亂檔的我為你編輯婚禮場刊.)

連續兩星期的積怨

珍惜

才剛說自己有多倒楣, 要多做這樣多做那樣
然後突然聽到朋友的惡耗, 我就慚愧了
工作算得了什麼, 至親才是瑰寶.
祝福你!

只是想讓你們知道,
我不是有心說謊的。

與匈牙利擦身而過

東歐, 匈牙利, 免費食宿機票,
見識好機會
均與本人擦身而過, 可惜可惜


收到月結單, 打消旅行念頭, 萌生自殺念頭
斃, 今日云遊去信和, 還買了大量美國劇集, 花錢如倒水...
不過是我最愛的dr. macdreamy...實在忍不住手..
對住佢, 我諗我都會有衝動講"pick me, choose me, love me"
中毒太深..我愛derek macdreamy!!!!!!!