自我懷疑

出題被ban, 寫文被彈...
我想應該是我問題..
反省, 再下番功夫.
一定有作為!

豬年好運

豬年一開始都算是好好運, 在公司抽獎中抽到一封挺大的利是。
希望好運繼續, 心情開朗, 事事如意
再希望身型可以fit fit fit
臉上痘痘可以少d
身體又可以好d
游水可以游多幾個塘
朋友同事個個都開心d
:)

游泳

不開心的時候, 我會游泳
我游水並不叻, 不敢去大池, 也不會在大海暢泳
但稍有不快, 我就會去游水
在水裏, 聽不見任何聲音, 就跟所有不愉快隔開
自由自在, 獨個兒游來游去, 不用跟人說話,
戴上潛水鏡, 就連樣子也看不見
游完, 出一口氣, 出一身汗
上池, 走.

情人節 - 洗厠所

2月14日

美麗的我吃完晚飯後獨個回家,
本來打算開支香檳, 開樽魚子醬,
換上華麗的晚禮服,
一個人過一個瀟湘的情人情,
獨個兒佇立風中，不為誰盼望, 不為誰心碎
但一回到家,
發覺廁所有點污垢,於是就立刻摺起衫袖係咁洗係咁洗..
洗完廁所梗要沖涼啦,咁咪沖lor
沖完換左件大口仔睡衣,出來不到一會
我就訓左...

好友伊麗來函

淑珍:

頭先我一個人留在家中,看了國際台一個叫"血濺鬥獸場"的節目，
嘩, 你都咪話，d鬼佬節目真係幾好睇架,不過最衰就係講英文啦, d字幕又出得鬼死咁快, 睇到我好辛苦lor..
但係其實都唔緊要，因為呢個節目好睇在好多剝光豬的男人
講古時候羅馬嗰d咩鬼gladiator哩，即係d貴族養來玩, 睇佢地打交嗰d哩!? 即係以前russell crowe都做過嗰d哩
嘩, 唔睇猶自可, 一睇呀真係收唔住火呀
個個gladiator唔著衫, 神高神大, 鬼佬o黎喎, 更大隻啦! 個個都勁過黃國斌lor
仲使咩等嗰套難鬼"火舞黃沙"重播啫...
d鬥士呀, 上場戰鬥嗰陣唔著褲架! 啋, 一個二個淨係戴個頭盔同著條三角褲, 唔知天氣係咪好熱哩
嘩, 佢地d大b脾大隻到呀, 真係講你都唔信呀...
唉, 唔知幾時會重播呢...
等我寫封信比亞洲電視的公關阿頭家宝, 叫佢快d重播, 或且買多d同類型的節目先得!
你都留意下d英文電視啦, 咪走宝o麻...

友:
伊麗.

有格的聲線

喜歡norah jones, 把聲有型成咁, 換著係我, 平時一定唔再廢話
人地問我晏晝食d咩，我就會答:「hmm... 你話呢?」
人地問我今日見點，我就答：「嘿，can't be worse。」
人地問我想做咩，我就答：「well, i wanna fly!」

jones小姐個樣都我的favorite, 唔知大家覺唔覺,
佢同英國玫瑰rachael weise其實好似架,
都係深宗色眼睛, 深宗色頭髮, 唔係第一眼就sharp你流口水那些,
而是充滿慧黠，越看越耐看那種.

歡樂今宵 --- 東宮西宮

1月27日
文化中心大劇院
一封給胡恩威的家書

胡先生
對你很失望, 對東宮西宮來到第五回也十分失望。multimedia不是不好, 它可以是一個十分豐富的原素，但用的太多也就失卻了舞台劇的基本特色。少了演出的時間，可能省卻了你度橋的精神，可是一班優秀的演員亦都給你浪費了。

還有，點解要歌舞連場呢，將老歌配上不到肉的時弊新詞，不是不像80s黃金時代的歡樂今宵...可惜除了陳浩峰和黃大徽外，其實演員都不及盧海鵬的歌喉好。葉燕芳唱every breath you take一幕，我真的有點憤怒。

內容方面，除了有關GST一段有點新知卓見以及最低工資、最高工時一段回復以往神粹之外，其他的真的不提也罷。是你太忙?因此才會把香港風格的材料用完又完？其他議題如食物、空氣、大學生生BB等略見趣味，卻嫌零碎，少了以往的連貫及宏觀，亦少了叫人反思的空間。Over the天星氣氛無疑營造得好，但太過煽情了，短短地過場便算了‧‧‧

曾蔭權的家書還可以，但最後一幕長十多分鐘的香港家書就真得叫我受不了!由九七至二00七的難忘新聞片段，相信我，這些我們都還歷歷在目，你不用再將這些事、這些人再強姦一次，來搏我們的眼淚。看到九一一飛機直撞世質的影像、sars死亡醫務人員的音容、薩達姆被吊的可怕畫面，我真的憤怒了。

失望的東宮西宮迷