聖誕怪病

2006年12月16日, 星期六
今日完成稿件, 很早就收拾細軟離開公司,個個星期都係咁寫三條大、三條細都真係攞命...放了工都還要想應該怎樣寫, 精神壓力不少。
6時從西灣河上車到銅鑼灣中央圖書館還書, 本來10分鐘的車程竟然塞到變了３０分鐘，距離聖誕還有一個星期，但銅鑼灣市面已如平安除夕般人頭湧湧．．．個個出力行街、購物，認真瘋狂。
朋友間個個興高彩烈談論聖誕要去邊去邊，最威那位２３號開始已有ｂｏｏｋｉｎｇ，一直ｆｕｌｌ到２００７年。朋友多、活動多就等於活得精采？我至今仍然無處可去，無安排、無約人、無人約，但奇怪的是，一點要湊熱鬧的心情也沒有。
聖誕節，　如果你有興趣知我會做什麼，　我大概會買士多啤莉，藍珠果，煲個香噴噴的公仔麵，租隻碟，　在家獨個欣賞。我還會重看阿梅和張國榮的《胭脂扣》，　周潤發那套學足波蘭斯基《ｔｈｅ　ｔｅｎａｎｔ》的《靈氣迫人》買了回家卻一直不敢獨個兒看．．