被調戲

過了廿二歲, 自己已很久沒被人調戲過, 感覺有點久遠
今日跟同事打完羽毛球到鰂魚涌一間外表平平無奇的茶餐廳用膳，竟與"調戲"重遇。
不過，被調戲的不是我，而是身旁外型與某曹姓男藝員有九分相似的同事chow long。
話說茶餐廳的阿姐出奇地善談，order一次除了給你十次回覆，比十五個不同意見以及反提意外，還自我介紹為阿潔，以及老闆娘為林太。
知道阿姐講開有舖癮之後，同行的frankie、karen、chow long和我都已低下頭扮沉默,
誰知阿chow生一抬頭，招惹的外表還是出了事
阿潔姐含情默默望住chow生，不只一次兩次喚他靚仔：「係靚仔呀麻,平心而論架...」 又問佢點解咁叻仔一條仔帶3條女出街，「係咪打麻雀啫？」，又擔心阿chow生食唔飽：「一件三文治夠唔夠架你，不如要個公司三文治啦...」總之就虛寒問暖, 無微不致。
接著，更奇怪的事發生了，阿潔姐終於按奈不住，看着chow生說：「呀你真係好似一個DJ，係呀, 真架, 個DJ叫何基佑(都唔知咩水...)，好靚仔架。」
再然後，兩位打扮美艷的少女上前埋單，阿潔姐又忍唔住拎個頭來向Chow生說：「你睇，呢度好多靚女架，你真係要多d來呀!」
阿chow long, 全程只識傻笑，半點反擊能力也沒有, 好似被人輪左幾次咁...